Bu məqalə yaxşı məqalələr sırasına daxildir

Sədaqət Qasımlı

Şəki Ensiklopediyası səhifəsi
Jump to navigation Jump to search
Sədaqət Qasımlı
Qasımlı Sədaqət Əbdürəhman qızı
Sədaqət Qasımlı
Sədaqət Qasımlı, 2010-cu il
Doğum tarixi 28 mart 1942(1942-03-28)
Doğum yeri Nuxa, Nuxa rayonu, Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Vəfat tarixi 30 sentyabr 2019 (77 yaşında)
Vəfat yeri Bakı, Flag of the Azerbaijan Soviet Socialist Republic (1956–1991).svg Azərbaycan SSR
Dəfn yeri Şəki, Flag of Azerbaijan.svg Azərbaycan
Vətəndaşlıq Flag of the Soviet Union.svg SSRİ→Flag of Azerbaijan.svg Azərbaycan
Elm sahəsi filologiya
Elmi dərəcəsi filologiya elmləri doktoru (1988)
Təhsili

S.M.Kirov adına Azərbaycan Dövlət Universiteti, şərqşünaslıq fakültəsi, türk filologiyası şöbəsi (1960 – 1965)

Azərbaycan SSR EA Yaxın və Orta Şərq Xalqları İnstitutu, aspirantura (1967 – 1969)
Həyat yoldaşı Azər Qasımlı, texnika elmləri doktoru, professor
Evladları Araz Qasımov
Atası Əbdürəhman Abdullayev

Sədaqət Qasımlı (Qasımlı Sədaqət Əbdürəhman qızı; d. 28 mart 1942-ci ildə, Azərbaycan SSR, SSRİ – ö. 30 sentyabr 2019-cu ildə, Bakı, Azərbaycan Respublikası) – filologiya elmləri doktoru (1988), Türkiyə – Azərbaycan ədəbi və elmi əlaqələrinin tədqiqatçısı, bu sahədə bir çox əsərlər çap etdirmiş, Türkiyə ədəbiyyatı nümunələrini Azərbaycanda yaymaq məqsədilə tərcümələr etmişdir.

Haqqında məlumatlar[redaktə]

1944-cü ildə Nuxada anadan olub.

Təhsili[redaktə]

1960-cı ildə Nuxadakı 12 saylı orta məktəbi bitirib.

1960 – 1965-ci illərdə S.M.Kirov adına Azərbaycan Dövlət Universitetinin şərqşünaslıq fakültəsinin türk filologiyası şöbəsində,

1967 – 1969-cu illərdə isə Azərbaycan SSR EA Yaxın və Orta Şərq Xalqları İnstitutunun aspiranturasına təhsil alıb.

İş yerləri[redaktə]

1964 – 1967-ci illərdə Azərbaycan SSR EA Əlyazmalar fondunda baş laborant,

1969-ci ildən Azərbaycan SSR EA Yaxın və Orta Şərq Xalqları İnstitutun türk filologiyası şöbəsində işləməyə başlayıb, əvvəl kiçik elmi işçi, sonra isə böyük elmi işçi, aparıcı elmi işçi vəzifələrini tutub.

Elmi fəaliyyəti[redaktə]

1983-cü ildə akademik H.Araslının rəhbərliyi ilə “Haldun Tanerin bədii nəsri” adlı elmi mövzuda namizədlik dissertasiyasını,

1988-ci ildə “Türkiyə ədəbiyyatında yeni hekayəçilik, XIX əsrin ikinci yarısı və XX əsr” adlı elmi mövzuda doktorluq dissertasiyasını müdafiə edib.

1994-cü ildə “Haldun Tanerin bədii nəsri” adlı monoqrafiyası çap olunub.

“Bəkir Yıldızın hekayələrində realizm” adlı mövzuda 10-dan çox elmi əsəri çap olunub.

2004-cü ildə B.Osmanova ilə birlikdə hazırladığı “XX əsrin 20-ci illərində Azərbaycan mətbuatında Türkiyə ədəbiyyatının tədqiqinə dair” adlı kitabı çap olunub.

Türkiyə ədəbiyyatının “Tənzimat”, “Sərvəti-Funun”, “Ədəbiyyati-Cədidə” dövrlərinə aid antologiyanın hazırlanmasında fəal iştirak edib. Türkiyə ədəbiyyatının müxtəlif dövrlərinə və görkəmli simalarına aid araşdırmalar aparıb. Bakıda və Türkiyədə keçirilən beynəlxalq simpoziumlarda elmi məruzələrlə çıxış edib, 60-a qədər elmi məqaləsindən 5-i isə Türkiyədə çap olunub.

2019-cu ildə doktorluq dissertasiyasının elmi mövzusu olan “Türkiyə ədəbiyyatında yeni hekayəçilik, XIX əsrin ikinci yarısı və XX əsr” adlı kitabı AMEA Z.Bünyadov adına Şərşünaslıq İnstitutunun elmi şurasının qərarı ilə çap edilib.

Türk dilindən tərcümələri[redaktə]

2005-ci ildə İsmət Bozdağın “Lətifə xanım Atatürkün həyat yoldaşı”, 2007-ci ildə Haldun Tanerin “Hekayələr”və və 2007 – 2008-ci illərdə qədim türk dastanı “Saltuknamə”nin I-II-III cildləri (B.Osmanova və E.Xəlilova ilə) çap olunub.

Tərcümə etdiyi “Türk Amacı dərgisinin materialları” adlı kitab da akademik Z.Bünyadov adına Şərqşünaslıq institutunun elmi şurası tərəfindən çapa təqdim edilib.

Vəfatı[redaktə]

2019-cu il tarixdə vəfat edib.

Doğulduğu Şəki şəhərində torpağa tapşırılıb.

Ailəsi[redaktə]

  • Atası: Əbdürəhman Abdullayev, filologiya elmləri namizədi, Azərbaycan SSR əməkdar mədəniyyət işçisi.
  • Həyat yoldaşı: Azər Qasımlı, texnika elmləri doktoru, professor.
  • Oğlu: Araz Qasımov, 1999 – 2002-ci illərdə Şəki şəhər İcra Hakimiyyəti başçısının müavini olub.

İstifadə edilmiş əsas mənbələr[redaktə]