Bu məqalə yaxşı məqalələr sırasına daxildir

Fikrət Xalıqov

Şəki Ensiklopediyası səhifəsi
Jump to navigation Jump to search
Fikrət Xalıqov
Xalıqov Fikrət Ramazan oğlu
Fikrət Xalıqov
Fikrət Xalıqov, 26 noyabr 2009-cu il
Doğum tarixi 28 mart 1949 (1949-03-28) (71 yaş)
Doğum yeri Baş Layısqı, Nuxa rayonu, Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Vətəndaşlıq Flag of the Soviet Union.svg SSRİ→Flag of Azerbaijan.svg Azərbaycan
İş yeri Azərbaycan Dövlət Pedaqoji Universiteti, azərbaycan dili və onun tədrisi metodikası kafedrası
Elmi dərəcəsi filologiya elmləri doktoru
Elmi adı professor
Təhsili M.F.Axundov adına Azərbaycan Pedaqoji Dillər İnstitutu, Avropa dilləri fakültəsi, alman və azərbaycan dilləri ixtisası (1966 – 1971)
Facebook səhifəsi

Fikrət Xalıqov – dilçi və folklorşünas alim, filologiya elmləri doktoru, Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasının professoru. 2013-cü ildən Azərbaycan Respublikasının Prezidenti yanında Ali Attestasiya Komissiyasının filologiya elmləri üzrə ekspert şurasının üzvüdür. 2007-ci ildən 2015/2016-cı tədris ilinə kimi Azərbaycan Müəllimlər İnstitutunun azərbaycan dili, ədəbiyyatı və onun tədrisi kafedrasının müdiri olub. Şəkinin ensiklopedik şəxslərini əhatə edən bioqrafik məlumatlar toplusunun – “Şəki: Alim və ziyalılar” kitabının həmmüəllifidir.

Haqqında məlumatlar[redaktə]

28 mart 1949-cu il tarixdə Nuxa rayonunun Baş Layısqı kəndində anadan olub.

Təhsili[redaktə]

1966-cı ildə Baş Layısqı orta məktəbini bitirib.

1966 – 1971-ci illərdə M.F.Axundov adına Azərbaycan Pedaqoji Dillər İnstitutunun Avropa dilləri fakültəsində alman və azərbaycan dilləri ixtisası üzrə təhsil alıb.

Əmək fəaliyyəti[redaktə]

1971 − 1973-cü illərdə Qəbələ rayonunu Mirzəbəyli kənd məktəbində ixtisası üzrə müəllim,

1974-cü ildə Ağdam şəhərində Maarif işçiləri evində müavin,

1975-ci ildə Azərbaycan SSR EA-nın “Xəzər” Elmi Mərkəzində tərcüməçi,

1979 − 1992-ci illərdə Nəsimi adına Dilçilik İnstitutunda kiçik elmi işçi, elmi işçi, şöbə müdiri və s.

1989 − 2003-cü illərdə Çingiz İldırım adına Azərbaycan Politexnik İnstitutunda/Azərbaycan Texniki Universitetində müəllim, dosent vəzifəsində çalışıb.

2003-cü ildən Azərbaycan Müəllimlər İnstitutunun azərbaycan dili, ədəbiyyatı və onun tədrisi kafedrasının dosenti,

2007-ci ildən 2015/2016-cı tədris ilinə kimi həmin kafedranın müdiri olmuşdur.

15 sentyabr 2016-cı il tarixindən Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasında professor-müəllim kimi fəaliyyət göstərir.

Elmi fəaliyyəti[redaktə]

1984-cü ildə “Mil-Qarabağ düzü toponimiyası (Ağdam, Ağcabədi və Bərdə rayonlarının materialları əsasında)” mövzusunda namizədlik,

2004-cü ildə isə “Azərbaycan dilinin folklor onomastikası” mövzusunda doktorluq dissertasiyasını müdafiə edib.

2011-ci ildə professor elmi adını alıb.

Azərbaycan dilinin tədrisi metodikası sahəsində də tədqiqatlar aparmış və N.Abdullazadə ilə birlikdə 2 cildlik Azərbaycan dili (didaktik materiallar) kitabını nəşr etdirmişdir.

Onun rəhbərliyi ilə filologiya üzrə 4, pedaqoji elmlər üzrə də 4 doktorant tədqiqat işi aparır.

Pedaqoji və elmi ədəbiyyatda Azərbaycan dili, onun tədrisi, dilçiliyin müxtəlif şöbələri ilə əlaqədar 80-dən çox əsəri çap olunub. 10 kitabı işıq üzü görüb.

Kitabları[redaktə]

  1. Folklor onomastikası (Bakı, 1998);
  2. Azərbaycan toponimləri (Bakı, 1999);
  3. Folklor onomastikası (Bakı, 2000);
  4. Şəki. Tarixi-etnoqrafik oçerklər (həmmüəllif) (Bakı, 2002);
  5. Elmi işçilər üçün rusca-azərbaycanca danışıq kitabçası (Bakı, 2002);
  6. Azərbaycan dili (didaktik materiallar), I c. (Bakı, 2006);
  7. Azərbaycan dili (didaktik materiallar), II c. (Bakı, 2006);
  8. Şəki. Tarixi-etnoqrafik oçerklər (həmmüəllif) (Bakı, 2007);
  9. Azərbaycan onomologiyası (Bakı, 2009);
  10. Nitqdə ifadəlilik yaradan vasitələrin öyrədilməsi (həmmüəllif) (Bakı, 2012).

İctimai fəallığı[redaktə]

1988 – 1990-cı illərdə Nəsimi adına Dilçilik İnstitutunun Həmkarlar komitəsinin sədri olub.

2008 – 2010-cu illərdə AMEA-nın Folklor İnstitutunda,

2010 – 2013-cü illərdə isə Nəsimi adına Dilçilik İnstitutunda dissertasiya şuralarının üzvü olub.

2013-cü ildə Azərbaycan Respublikasının Prezidenti yanında Ali Attestasiya Komisiyasının filologiya elmləri üzrə ekspert şurasının üzvü təyin edilib.

Ədəbiyyat[redaktə]

  • Məmmədov Ə., Xalıqov F. Xalıqov Fikrət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  502. — Səh.: 256 – 258. — 1.000 nüsx.
  • "Fikrət Ramazan oğlu Xalıqov". https://adpu.edu.az/ (azərb.). Azərbaycan Dövlət Pedaqoji Universitetinin rəsmi internet saytı. 21 oktyabr 2020-ci il tarixində arxivləşdirilib.